踏入2009年, 自然會回望返過去一年,

2008年, 忙左成年, 辛苦左一年.....

而家終於可以過返d 似人既生活喇!!

因為金融海嘯, 所以我暫時都未有轉工既唸頭.

琴日放工, 同Florence去左玩塔羅牌,

我第一次玩咋!! 都叫做見識左...

亦都得到想知既答案.....

哈! 十個有九個人去玩塔羅都係測感情,

2008年, 唔開心左半年, 亦都開心左半年...

大家都進步左同成長左.....所以一齊得比以前仲開心....

新一年已經開始左喇!! 大家都為自己既目標而努力奮鬥, 加油呀 ~~

原來已經成日月無update了!

11月尾同Kevin去完韓國旅行, 十分Happy...

呢個月公司無乜野做, 十分Relax....

呢個聖誕, 每日都有gathering, 十分Busy....

繼同Candy慶祝生日, 跟住有同班小學同學開左個低B派對,

又有去Sandy屋企開Party,  平安夜緊係同Kevin去左食Buffet慶祝啦 ~

琴日仲去埋Bear Bear 屋企添 ~

玩左咁多日, 今日學人做乖女, 陪媽咪去左冬日美食節行足一日.................

終於都可以放大假喇... 十萬個Relax 同開心...

仲好期待我地既"韓國之旅"添 ~  ~ 心情勁靚!!

謝絕所有公司電話, 唔好再打比我喇.....

Saturday, November 15, 2008

第一日假期, 同左成班小學同學去約墨魚同BBQ,

釣釣釣, 都釣唔到既...釣到無晒心機!

BBQ到11:30, 大家又提意去唱K, 第一日放假, 就玩到天光喇!!

累死, D友仔玩到High晒, 一個二個都醉到企唔穩...

計計下大家識左十幾年, 不過都未試過玩到咁癲,

大個左, 再唔係以前聯歡會玩踩氣球lu ~

不過D男仔一見面, 都仲會圍埋玩超勝...勁低能 ~~

下次活動, 希望會有更多人出席啦~

Saturday, Novemeber 01, 2008

辛苦左咁耐, 11/1 呢個大日子終於都來臨...

請左 楊怡+陳豪 做嘉賓, 都係果句啦, 如果係林峰會開心D..

Post 返當日活動花絮:

 公司大合照

距離11/1 既Grand Opening, 仲有大約一個禮拜,

以歐洲大街為主題, 所有工作人員都要為呢個盛事打扮..

我地呢D平民自然有平民裝啦~

全體同事, 連日來出入演藝學院試衫...

造型首次曝光 ~~

雖然今日係星期六, 不過全Team人一早就返左工喇...

不停咁做... 一直做到8點半先收工...放工後一齊去Happy一下!!

好出奇呢?! 工作仲未做好, 舖都未開, 我地提早慶祝??

暫時放鬆左心情, 一齊去左唱K, 順便同Wing Wing慶祝生日..

Happy Birthday~~

Tuesday, October 14, 2008

辛苦工作, 一直嚷著要準時收工,

因為約了我的大學朋友, 見到佢地真係好開心..

即時向她們撒撒嬌...訴訴苦....

係Ruby Tuseday吃了豐富的晚餐, 過了Relax 同開心的一晚!!

密密麻麻既Schedule 真係令人透不到氣...

21/10 Media Tasting, 26/10 開新鋪, 1/11 Grand Opening...

呢三個禮拜, 最少要三晚通頂!!

今日心情突然好差好差, 做到好想喊.....

1個Kelly + 半個Florence +半個Sandy, 根本無可能攪得惦!!

或者我知道無可能做得晒D野, 結果係會受盡眾人唾罵同指責...

好唔想返工, 日日返去都係被人迫, 睇人面色..

好想逃避呢!! 呢三個禮拜真係好難捱, 真係好辛苦喲!!! 頂唔順......

今日直情有衝動, 想遞信再補錢走人..... 好似好型咁...

如果出面個市道唔係咁差, 我晨早就遞左信啦!

唉!! 要理性D, 唯有忍同硬食~~ 

琴日睇某電視節目, 覺得幾有趣....

話說一個五十多歲既女人, 因為眼袋多左兩條眼紋而悶悶不樂..

鏡頭Zoom近影佢, 不斷拎住支SKII 係咁搽, 搽, 搽...

從而解說出, 缺乏失眠同壓力係引致老化的主要原因 (好明顯, 我係一個好例子) 

呢半年真係殘左好多.......... ........眼紋都多左兩條....

接著, 有一個研究, 去測試食物對提升抗氧化既功效....

水果類: No. 1 = 士多啤梨, No. 2 = 橙

蔬菜類 No. 1 = 菜心, No, 2 = 白菜仔

飲品: No. 1 = 紅酒

要加番句 - (資料只供參考)  "haha..........職業病"

大家可以選擇食多D呢D食物...

Saturday, October 04, 2008

呢日係BreadTalk同Toast Box 既Grand Opening..

又係請胡杏兒同Janice Man 做嘉賓.... 所以我對呢兩粒星都無太大興趣..

不過好多男同事, 都被Janice Man 既美色迷惑了..

胖胖公主與Barbie公主

用蛋糕造既跑車同公主...真係好過引嫁!!   

Thursday, October 02, 2008

小學同學Gathering, 我已經有好幾年無出席lu...

原來班主任謝老師都係度, 老師不愧係老師, 同我地傾計都好似教書咁!!!

攪到唔少時段會有dead air.....

不過我地一講返以前小學既趣事, 依然係會抱腹大笑....

原來大家既記性都唔錯...

咁快就約定下個月既Gathering?? 就係去釣墨魚.................